يطربني قميصك.....
......خانك الشلال
لدگم بياضك ....
....بالعيون نزور
ومن تلهث زلوفك......
......تخدر الحيطان
وتصيح التراچي....
....والصياح عطور
وتغني حواجبك.....
......ويصفك الزيتون
وجمهورك الحنه......
.....ولحنك البلور
عيونك لون قرية ......
الرمش نص الليل.....
وخدك طعم فَيْ ....
مكاسرينة بنور
وتحلم شامتك .....
والطيف خضر بوس...
.ويوت وت احساسي....
الطيّر العصفور
يافصل العنب ....
ارجوك عنكودين...
.ماذل حصرمك....
آنة اشتهي مغرور
يخصْر الحسجة ....
.بس جفوف الك ديوان.....
اهز فنجان خصرك...
مو شبع مجبور
اشافي مسودنة ....
.ورگبتك تطي مرآد....
والزنجيل گيم ....
وآني عندي انذور
وتلمنة اللا مسافة....
ويسكت التفكير.....
ونحطب هدمنة ....
ونحرگ المحضور
مانفطم السكتة...
. ولا نورج الصوت...
.خلينة بطرگنة ....
عليمن الديكور
ما شك بجمالك......
حلف دوني الماي .......
المكياج اشاعه.....
الوانه شهدن زور
جمالك يستحي...
.من الجمال البيك.....
من يعرگ انوثة...
وساعة يعرگ حور
شعرك يشتكي ....
.ومشطك مرآهق حيل....
.بوكت حلة الليل ....
المشط ليش يدور
حضنك موطني....
والغربة حضن الغير....
شكد مريت بيهن..
.مو احضان گبور
گد رمشة طفل.....
لو ردت عني تروح....
الوآن السمة ....
.بعين النجوم تبور